- Shikoni dhe njëherë qëllimet e MGJP-së në nëntitullin 2 të kapitullit 1 A. Mendojeni në fillim vetë, më pas në një grup të vogël se për cilat nga që- llimet keni pyetje ose paqartësi. I diskutoni këto pika.
- Shikoni përsëri qëllimet e MGJP-së në nëntitullin 2 të kapitullit 1 A. Mendoni dhe diskutoni se cilat nga këto qëllime janë më të rëndësishmet për ju dhe çfarë ju ndihmon në përmbushjen e këtyre qëllimeve.
- Kthehemi dhe njëherë tek qëllimet: Mendoni dhe diskutoni ku dhe si ju kanë ndihmuar qëllimi «Përkrahja gjatë procesit të integrimit dhe orientimit në shoqërinë e vendeve të emigrimit» dhe «Përkrahja gjatë procesit të integrimit dhe orientimit në shkollat e vendeve të emigrimit», si dhe çfarë do të mund të bënit ju për t’i përmbushur më mirë këto qëllime.
- Lexoni dhe njëherë nëntitullin 4: Integrimi në sistemin shkollor. Si ju duket gjendja e MGJP-së suaj? Cilat janë dëshirat ose vizionet tuaja dhe çfarë do të mund të ndërmerrnit (vetëm ose me të tjerë) me qëllim përmbushjen e tyre?
- Në nëntitullin 6 përshkruhen dimensione të heterogjenitetit të nxënësve. Mendoni dhe diskutoni rreth përvojave tuaja. Tregoni se çfarë keni ndërmarrë, për përmbushjen me sukses të problematikave të lidhura me to.
- Lexoni raportimet në pjesën B të kapitullit 2 (eventualisht dhe të kapitullit 3). Cilat prej përvojave të përshkruara keni kaluar dhe ju gjatë viteve të para si mësues të MGJP-së? Cila ju përafrohet?
- Kujtoni 1–2 vitet e fundit të punës suaj si mësues të MGJP-së: Cilat kanë qenë situatat ose momentet më të bukura? Shkëmbeni përvojat dhe motivoni njëri-tjetrin.