Rekomandimet për përdorim
M5
M5 (Të gjendet diçka shpejt në një fjalor ose leksikon) fillon me zotërimin e alfabetit. Ky është parakusht themelor, në mënyrë që të mund të përdoren libra reference dhe fjalorë. Ushtrimet e ndryshme duhet të luhen patjetër në klasë, si dhe në shtëpi si thellim, deri sa të gjithë nxënësit/et të jenë në gjendje për t‘u orientuar mirë në ABC-në e gjuhës së tyre të parë. Kjo mund të ndodhë që prej klasës së tretë. Në të njëjtën kohë duhet të sqarohen dallimet mes shkronjave dhe renditjes së tyre në gjuhën e parë dhe në gjuhën e vendit migrues. Ndryshe nga shumë fletë të tjera, M5 kërkon përkujdesje të afërt nga mësimdhënësi.
M6
M6 (të orientohesh mirë në libra) i mbështet nxënësit/et, kur kanë të bëjnë me libra, sidomos me libra reference dhe libra faktikë. Veçanërisht nxënësit/et nga familjet më pak të arsimuara kanë nevojë për ndihmë këtu. Më së miri kjo fletë zhvilohet duke përdorur shembuj konkretë: Mësuesi i sjell disa libra faktikë për një temë aktuale faktike (p.sh., historia e Shqipërisë), dhe i shikon këto në bazë të pikave të M6. Në mësimin e ardhshëm nxënësit/et duhet të sjellin vetë një libër faktik (në gjuhën e parë apo të dytë) dhe këtë ta paraqesin në bazë të pikave përkatëse të M6.
M7
M7 (Të gjesh informacione në internet dhe gjetkë): Hapat e kësaj flete duhet të provohen veç e veç dhe konkretizohen, së pari, në shkollë nëpërmjet një teme aktuale (p.sh. bujqësia në Kosovë, Epoka romake në Ballkan). Këtu, burimet e informacionit duhet të ilustrohen dhe të ushtrohen në veçanti në gjuhën e parë. Ndoshta mësimdhënësi shpërndan një listë të vjegzave të mira të internetit në gjuhën e parë. Pastaj, në një mësim të mëvonshëm duhet që, nxënësit/et për një temë të veçantë t‘i gjejnë vetë informacionet në internet dhe t‘i sjellin. Sigurisht, duhet të sigurohet që të gjithë nxënësit/et të kenë qasje në internet, qoftë në shtëpi ose tek dikush nga klasa.
Gjithashtu, duhet të tematizohen dhe të aktivizohen burime të mëtejshme të informacionit (biblioteka, bisedat me ekspertë/e, shënimet elektronike nga ekspertët/et).