Ushtrimet dhe propozimet mësimore të kësaj pjese janë ndarë në tri fusha:
Të marrurit me libra dhe tekste
Propozimet mësimore 1–8: Në plan të parë këtu qëndron njohja me libra dhe tekste të ndryshme si element i rëndësishëm i motivimit në të lexuar.
Librat dhe tekstet të lexohen dhe të kuptohen
Propozimet mësimore 9–11: Kjo fushë e përqendron të lexuarit në vetvete dhe tregon mundësitë se si mund të bëhet të lexuarit në mënyra të ndryshme dhe se si nxënëset dhe nxënësit mund të planifikojnë procesin e leximit dhe të bëhen të vetëdijshëm për përfitimet prej tij.
Të raportohet për të lexuarit
Propozimet mësimore 12–17: Kjo pjesë e kësaj fushe merret kryesisht me pasqyrimin e asaj që është lexuar, d.m.th., me diskutimin rreth përmbajtjeve. Ajo ofron disa pro- pozime për mënyrën se si mund të bisedohet në klasë për përvojat në të lexuar.
Të reflektohet të lexuarit
Propozimet mësimore 18–19: Të dy propozimet mësimore të kësaj rubrike e përkrahin kompetencën e rëndësishme të nxënësve/eve që të mund t‘i vlerësojnë vetë aftësitë e tyre dhe të vetëdijësohen për zakonet dhe preferencat në të lexuar. Këto kontribuojnë në atë që nxënësit/et të bëhen lexues/e të pavarur dhe të pasionuar.