Rrjedha:
- Hyrje në temë: Ne duam të shoshitim mendimin për mënyrën e të sjellurit në situatat kritike. Sqarimi i konceptit «situatë kritike» (p.sh. një situatë emocionalisht rënduese, konfliktet në familje dhe jashtë saj, armiqësitë). Mbledhja e shembujve konkret në klasë.
- M shpërndan pyetësorin (shih më poshtë). N duhet të lexojnë në punë individuale çdo shprehje me kujdes dhe të mendohen se sa shpesh e tregojnë sjelljen në fjalë në situata kritike. Për këtë qëllim ata përdorin një shkallë prej 1 deri 4 (1 = Unë asnjëherë ose shumë rrallë sillem kështu; 2 = Unë ndonjëherë sillem kështu; 3 = shpesh; 4 = shumë shpesh).
- Pas rreth dhjetë minutash përgjigjet do të diskutohen me tërë klasën. Në mënyrë të veçantë do t‘i kushtohet vëmendje ndonjë dallimi eventual mes djemve dhe vajzave.
- Së fundmi, klasa përpiqet t‘i ndajë strategjitë në kategori të mëdha (p.sh. të shmanget problemi, të kërkojnë përkrahje, të adresohet problemi drejtpërdrejt, të tregohen emocionet negative). N i rregullojnë përgjigjet për të dokumentuar shpeshtësinë e çdo strategjie dhe shpërndarjen në vajza dhe djem.
FP – Pyetësor: Si sillem unë në situata kritike?
Fletë pune për nxënësit/et
1 = Unë nuk sillem kurrë kështu ose tepër rrallë
2 = Unë sillem nganjëherë kështu
3 = Unë sillem shpesh kështu
4 = Unë sillem shumë shpesh kështu
Ju lutem kryqëzojeni atë që i përgjigjet
| 1 | 2 | 3 | 4 | |
| Unë mbyllem në vetvete dhe dua të jem vetëm. | ||||
| Unë mendoj thjesht për diçka tjetër. | ||||
| Unë mundohem që stresin ta heq me anë të muzikës me zë të lartë, ushqimit, sportit. | ||||
| Unë përpiqem të shfryhem. | ||||
| Unë përpiqem ta harroj çështjen, duke u marrë me gjëra të tjera. | ||||
| Unë pyes dikë për ndihmë. | ||||
| Unë nuk mund të mendoj për asgjë tjetër, pos për problemin që kam. | ||||
| Unë zemërohem me vetveten. Sikur të mund të reagoja në mënyrë më lehtësuese (relaksuese)! | ||||
| Unë pres një grimë herë. | ||||
| Unë përpiqem të merrem menjëherë me problemin. | ||||
| Unë lë gjithçka ashtu siç është. | ||||
| Unë mendohem për rrugë të ndryshme që çojnë tek zgjidhja. | ||||
| Unë e mendoj secilin aspekt të problemit. | ||||
| Unë kërkoj solidarizim dhe përkrahje nga të tjerët. | ||||
| Unë e zgjidh problemin menjëherë. | ||||
| Unë mundohem ta zvarris problemin aq gjatë sa është e mundur. |