Tregime skelë, tregime fjalënxitëse, tregime strukturë
Rrjedha (struktura bazë):
a) Në hapin e parë do të gjenden pesë fjalë (shih për këtë më poshtë) dhe shënohen në tabelë ose në një fletë.
b) Këto pesë fjalë formojnë strukturën ose skelën dhe rreth e rrotull secili N e shkruan një tregim. Të pesë fjalët duhet të vijnë në shprehje në secilin tekst. (event. të nënvizohen me ngjyrë).
c) Në përfundim tekstet do të lexohen, bisedohet për to dhe/ose ngjiten. Interesante është këtu të shihet se si për «skelën» e njejtë rreth e rrotull janë ndërtuar «trupa tregimesh» krejt të ndryshme. Mund edhe të bisedohet dhe të vlerësohet gjithashtu se sa ka mundur që secili N të zotërojë detyrën që në tekstin e tij/e saj të ndërtojë të pesë fjalët skelë.
Vërejtje:
Procedura për t‘i gjetur të pesë fjalët:
- M lëviz nëpër klasë me një fjalor në dorë, me një libër tjetër ose me një revistë. Pesë N guxojnë ta shfletojnë librin «verbaz» dhe me një laps të zgjedhin një fjalë. Kjo është atëherë një nga fjalët skelë.
- Të gjithë N shënojnë në një copë letër disa fjalë. Këto fjalë do të mbidhen dhe do të përzihen; dikush ose N të ndryshëm tërheqin gjithsej pesë copa letrash, këto formojnë strukturën ose skelën.
Variantet:
- Në vend se me tërë klasën, ushtrimi mund të zhvillohet edhe vetëm me një ose dy grupe nivelesh, nëse është bërë një hyrje e mirë.
- Në vend të pesë mund të zgjidhen edhe tri ose katër fjalë. Më shumë se pesë fjalë të zgjidhen nuk rekomandohet.
- Në vend të fjalëve mund të zgjidhen edhe shprehje ose fjali të vogla, të cilat do të formojnë skelën ose strukturën.
- Një variant të bukur e propozon Zopfi (1995, f.49): Secili N guxon të dëshirojë një tregim, në të cilin vijnë në shprehje tri ose pesë gjëra ose fjalë. Ai/ajo i shkruan këto pesë fjalë në një copë letër dhe ia jep dikujt tjetër më tutje. Fëmija tjetër e shkruan me këtë një tregim dhe ia dhuron atë të parit. (Varianti: «Listat e dëshirave» vendosen në një shportë; secili fëmijë e tërheq verbazi një listë të tillë të fjalëve dhe shkruan në të). Zgjerim: Të luten prindërit ose dikush nga familja për një listë të tillë fjalësh dhe këtij personi t‘i dhurohet me këtë një tregim. (Krahaso me këtë edhe 3, «Tregimet-fjalë dëshirash»).