Të shkruarit bashkërisht: tregime radhe, vazhdimi, zinxhir ose palosëse
Rrjedha:
Modeli bazë është ky:
a) Secili/a N e merr një fjali ose një pjesë të vogël si fillim të një tregimi ose e shkruan vetë një fillim të tillë lart në një fletë.
b) Pastaj ai/ajo ia jep fletën tutje N djathtas. Ky/kjo e lexon se çfarë është e shkruar aty dhe e shkruan tregimin më tutje (një ose dy fjali). Pastaj ai/ajo e jep më tutje gjithashtu fletën djathtas.
c) Kur të gjitha fletët njëherë kanë qarkulluar nëpër tërë klasën ose grupin, atëherë ushtrimi është i përfunduar.
d) Në përfundim tregimet do të lexohen ose do të varen në mur.
Vërejtje:
- Është me rëndësi që aty nga fundi i sekuencës (kur gati të gjitha fletët kanë qarkulluar nëpër klasë) të theksohet që dy tri fjalitë e fundit do të duhej të drejtohen nga përfundimi, në mënyrë që tregimi të mos përfundojë thjesht papritur.
- Para se gjithash për fëmijët e rinj është me rëndësi së pari të sajohen tregime gojore radhe; krahaso këtu me nr. 1 lart: ushtrim paraprak.
- Me korrigjimet M do të duhej që të merret me kujdes, në mënyrë që të mos zvogëlohet motivimi në të shkruar. Por M duhet t‘i shikojë mirë tekstet, sepse ato ndoshta japin udhëzime për fusha përkrahëse aktuale në të cilat shumë N bëjnë gabime.
Variantet:
- Në vend se me tërë klasën, ushtrimi mund të zhvillohet edhe me vetëm një ose dy grupe nivelesh, nëse është bërë një hyrje e mirë.
- Është e mundshme që të formohen grupe nga 3–4 fëmijë, të cilët do të shkruanin nga një tregim zinxhir. Fletët në këtë rast do të qarkullojnë më shumë se njëherë nëpër grup.
- Është e mundshme gjithashtu që të qarkullojë vetëm një fletë. Në mënyrë paralele me mësimin tjetër ndërtohet në të një tregim, i cili lexohet në fund para të tjerëve.
- Tregimi palosës: Në vend që të mund të lexohet se çfarë veç është shkruar, fleta para se të jepet tutje duhet të paloset ashtu që të mund të shihet vetëm fjalia e fundit, e jo edhe fjalitë e tjera të shkruara më lart. Kështu ndërtohet një tekst për lexim përfundimtar, i cili sjell më shumë kureshtje dhe befasi.
- Fjalë për fjalë: Ky është një variant për grupe të vogla me N të rinj. Në vend të fjalive (1–2 fjali) mund të shkohet edhe me fjalë: Në fillim qëndrojnë shirita të gjatë të letrës (A 3 mes për mes në 4–5 linja të priten), në të cilët qëndron nga një fjalë si fillim fjalie (ose do të shkruhet). Çdo N shkruan gjithnjë vetëm nga një fjalë (ose më së shumti tri fjalë) të tjera dhe e jep pjesën e letrës më tutje. Kështu krijohen shirita letre me fjali.